Perchnogion tai
Os ydych yn berchennog tŷ sy’n cynllunio estyniad neu addasiad, efallai y bydd angen archwiliad rheoliadau adeiladu arnoch yn ogystal â chaniatâd cynllunio. Mae caniatâd cynllunio’n ymwneud â sut mae adeilad yn edrych, a rheoliadau adeiladu’n gwneud yn siŵr bod eich cartref yn ddiogel o safbwynt adeileddol.
Mae sicrhau cymeradwyaeth i waith adeiladu gan dîm rheoli adeiladu eich cyngor lleol yn gwarantu bod y gwaith yn ddiogel ac yn bodloni safonau rheoliadau adeiladu, yn ogystal â’ch amddiffyn chi yn erbyn adeiladwyr anonest. Felly, gofynnwch am eu cyngor cyn dechrau unrhyw brosiect adeiladu.
- Dechrau prosiect adeiladu – gallwch ddarllen awgrymiadau a chyngor defnyddiol i berchenogion tŷ sy’n dechrau prosiect adeiladu
- Adeiladu estyniad neu ystafell wydr – sut i asesu a oes angen rheoliadau adeiladu arnoch a’r gwahanol fathau o addasiadau sydd ar gael
- Adeiladu addasiad atig – help i asesu a yw’n bosibl addasu eich atig a help i benderfynu beth ddylai cynlluniau ei gynnwys
- Newidiadau ac atgyweiriadau mewnol – gallwch gael gwybod pryd y bydd angen archwiliadau rheoliadau adeiladu ar eich newidiadau neu atgyweiriadau.
Perfformiad Rheolaethi Adeiladu
Mae’r swyddogaeth rheolaethi adeiladu yng Nghymru a Lloegr yn gweithio gyda pherchenogion eiddo, datblygwyr, penseiri, contractwyr a chrefftwyr i sicrhau bod gwaith adeiladu’n bodloni’r safonau sydd wedi’u nodi yn y Rheoliadau Adeiladu. Fodd bynnag, oherwydd bod system ddeuol gystadleuol o reolaethi adeiladu’n bodoli yng Nghymru a Lloegr (sectorau cyhoeddus a phreifat), mae Gweinidogion Llywodraeth olynol yng Nghymru a Lloegr wedi cadw grŵp cynghori i fesur perfformiad.
Pa safonau sy’n berthnasol i sefydliadau sy’n gwneud gwaith rheoli adeiladu – a sut mae’r rhain yn eich helpu? Dysgwch fwy.
